Фудбалската репрезентација на Македонија синоќа оствари голем триумф (2-1) над Словенија, а веќе од денеска е фокусирана на следниот предизвик, дуелот со Полска во Варшава. Најдобрите македонски фудбалери претпладнево отпатуваа за полската престолнина максимално мотивирани за нов позитивен резултат и против лидерот во квалификациската група.
Полјаците славеа со 0-3 на гостувањето во Рига против Летонија и со 16 бода се наоѓаат на врвот на табелата во нашата група.
Вечерва избраниците на селекторот Игор Ангеловски во 18 часот ќе го одржат и првиот тренинг на стадионот „Полонија“ во Варшава.
