Македонската репрезентација попладнево околу 14 часот со чартер лет од Скопје слета во Варшава каде следниве два дена ќе течат подготовките за квалификацискиот натпревар против Полска од Групата Г за пласман на ЕП 2020.
Фудбалерите веднаш на аеродромот во главниот град на Полска беа „нападнати“ од Македонци кои живеат и работат во Полска со желба за фотографија и автограм од најдобрите македонски фудбалери, но и колекционери како и симпатизери на италијанските Наполи, Интер, Лацио… Токму поради тоа цел на „напаѓачите“ пред се беа Горан Пандев, Елиф Елмас…, но и членот на англиски Лидс.
По пристигнување во Варшава, и краток одмор, репрезентативците денеска од 18 часот ќе го одработат првиот тренинг на полско тло, на стадионот на Полонија.
