Тренерот на Реал Мадрид, Карло Анчелоти, ја прокоментира својата иднина по убедливата победа над Валјадолид (6-0) во 27. коло од шпанската Ла Лига.
„Уверен сум поради играчите кои ги имам и поддршката од клубот, дека ја разјаснив мојата иднина. Договорот ми истекува во 2024 година и имам намера да го исполнам до крајот. Ако сите во Реал се задоволни, тогаш … Ќе останам до 2034 година“, изјави Анчелоти.
63-годишниот стручњак по втор пат го презеде Реал Мадрид во летото 2021 година. Претходно тој работеше во „кралскиот клуб“ и од 2013 до 2015 година. Под негово водство Реал Мадрид двапати ја освои Лигата на шампионите.
