Томас Тухел е нов тренер на Баерн Минхен. Тој потпиша договор до летото 2025 година и го наследи Џулијан Нагелсман, кој ненадејно доби отказ во четвртокот.
Тухел на првата прес-конференција веднаш најави дека ќе го собере кадарот со кој работеше во Челси, што малку го налути лондонскиот клуб бидејќи Тухел сака да одведе еден од тренерите на клубот. Тој објасни и како добил отказ на „Стемфорд бриџ“.
„Беше шок. Средбата траеше само три до пет минути, во осум часот наутро. Сите мислевме дека сме на вистинскиот пат и дека имаме повеќе време да градиме нов тим. Сепак, сега најдов нов предизвик и среќен сум што сум во Баерн“, заврши Германецот.
