Францускиот стопер Клемен Ленгле ќе остане во Тотенхем на перманентен трансфер откако е постигната согласност со Барселона по досегашната позајмица за фудбалерот.
За оваа зделка Каталонците треба да добијат отштета од 14 милиони евра од лондонскиот клуб.
Ленгле пристигна во Барселона во 2018 година кога Каталонците ја активираа неговата отштетна клаузула со понуда од 35 милиони евра. На „Камп Ноу“ вкупно одигра 160 натпревари и постигна седум гола.
Тој од почетокот на оваа сезона е на позајмица во Англија и го носи дресот на Тотенхем.
