Фудбалерот на Атлетико Мадрид, Мемфис Депај, поради повреда ќе мора да паузира во следните две недели.
Холанѓанецот се повреди за време на репрезентативната пауза во квалификациите за ЕВРО 2024 година. Холандија го победи Гибралтар со 3-0, Депај постигна гол, но го напушти теренот предвреме.
Она што е сигурно е дека тој нема да игра за мадридскиот тим против Бетис претстојниот викенд, а се очекува да биде надвор од терените две недели, иако лекарскиот тим на Атлетико прави сѐ за што поскоро да го доведе во форма за остатокот од сезоната.
Депај постигна три гола откако во јануари дојде во Атлетико Мадрид.
