Марсело Биелса ќе биде нов селектор на Уругвај. Популарниот „Ел Локо“ ја предводеше родната Аргентина, потоа и Чиле, а сега Аргентинецот ќе ја преземе клупата на уругвајската селекција до 2026 година.
Доколку се пласира на Светското првенство, ќе ги предводи и на заврпшниот турнир.
Двојниот светски шампион и повеќекратниот јужноамерикански првак треба да го подмлади тимот, но секако нема недостаток на квалитет, со Валверде, Бентанкур, Хименез и секако ѕвездата на Ливерпул, Дарвин Нуњез.
Биелса нема трофеј ниту во репрезентативен, ниту во клупски фудбал, единствено што го освои е олимпиското злато во Атина во 2004 година со Аргентина. Сепак, и покрај тоа важи за еден од најдобрите фудбалски стратези.
