Фудбалерот на Пари Сен Жермен, Килијан Мбапе, е најплатениот играч во францускиот шампионат и еден од најплатените спортисти во светот, со бруто месечна плата од 6 милиони евра, објави денеска францускиот весник „Л’Екип“.
Зад светскиот шампион од 2018 година и вицешампионот од 2022 година се неговите соиграчи од ПСЖ Нејмар (3,675 милиони евра) и Лионел Меси (3,375 милиони евра). Тоа значи дека Мбапе безмалку заработува колку Меси и Нејмар заедно.
Во првата десетка има само фудбалери од актуелниот шампион на Франција.
Во првите 16 најплатени играчи има само двајца фудбалери кои не се дел од ПСЖ, Висам Бен Једер од Монако (650.000 евра месечно) и Џордан Верету од Олимпик Марсеј (550.000 евра).
