Оливие Жиру се согласил да го продолжи договорот со Милан. Французинот ќе потпише за уште една година соработка со „росонерите“.
Решавачката средба меѓу раководството на Милан и претставниците на Жиру, Винченцо Морабито и Михаел Мануело се одржала вчера. Сите детали за новиот договор се веќе договорени.
Во јануари, Жиру одби голема понуда од Евертон, покажувајќи дека сака да остане во Милан.
Новиот договор на францускиот интернационалец ќе му донесе 3,8 милиони евра за една сезона.
Официјалното потпишување се очекува да се случи пред четвртфиналето од Лигата на шампионите против Наполи на 12 април.
