Тренерот на Барселона, Чави Хернандез, ќе потпише нов договор со каталонскиот гигант по завршувањето на сезоната. Тој е на прагот да ја врати шампионската титула на „Камп Ноу“ по неколку години.
Актуелниот договор на Чави со Каталонците истекува во летото 2024 година. Според изворот, клубот веќе подготвил нов договор за 43-годишниот стручњак, но Чави сега сака да се фокусира на преостанатите натпревари до крајот на сезоната и ќе го потпише на лето.
Чави е на кормилото на Барселона од 2021 година. По 26 кола, Барселона има водство во Ла Лига со 68 бода, дури 12 бода предност пред Реал Мадрид.
