Пјер Калулу ќе го пропушти дуелот на Милан со лидерот во Серија А, тимот на Наполи, поради повреда на потколеницата, објави прес-службата на актуелниот шампион на Италија. Во соопштението, „росонерите“ велат дека централниот дефанзивец за една недела ќе биде подложен на дополнителни прегледи.
Тоа го исклучува 22-годишниот фудбалер од неделното гостување кај Наполи, кој има 19 бода повеќе од второпласираниот Лацио и неколку недели го делат да стане италијански шампион за прв пат по ерата на Марадона.
Милан, исто така, ќе се соочи со Наполи во италијанското четвртфинале во Лигата на шампионите следниот месец.
