Фудбалската репрезентација на Македонија утре (18 часот) игра пријателски натпревар против Фарски Острови, како надградба за триумфот (2-1) над Малта и успешниот старт на квалификацискиот циклус на ЕВРО 2024. Фудбалерот на Наполи, Елиф Елмас, вели дека секој натпревар за националниот тим заслужува максимален респект.
“Секогаш сме максимално мотивирани кога играме за Македонија, така ќе биде и на утрешниот натпревар. Се надеваме на нов позитивен резултат, иако Фарски Острови се селекција со сериозен напредок која секако не треба да ја потцениме”, изјави Елмас на денешната прес-конференција.
