Томас Тухел е новиот тренер на Баерн Минхен. Тој потпиша договор до летото 2025 година и ќе го наследи Џулијан Нагелсман, кој ненадејно доби отказ во четвртокот вечерта. Одлуката за разрешување на Нагелсман ја донесоа извршниот директор Оливер Кан и спортскиот директор Хасан Салихамиџиќ.
Таа информација ги погоди и играчите на Баерн, како што откри Леон Горецка.
„Немав проблем со Нагелсман. Не знам како им беше на другите, но можам да кажам дека тој не ја загуби соблекувалната. Веста за отказот беше шок. Сите играчи беа изненадени“, изјави германскиот играч за врска.
