Светскиот првак Аргентина го одигра првиот натпревар по освојувањето на мундијалот во Катар. „Гаучосите“ славеа со 2-0, а на „Монументал“ приредија вистински спектакл. Огромни емоции, фанови кои паѓаат во делириум, но и фудбалери кои сѐ уште не се свесни што и подарија на својата земја.
Аргентинците долго не можеа да го скршат отпорот на Панама. Тијаго Алмада во 74.минута го разби бункерот на гостите, а Лионел Меси во 89.минута го заокружи спектаклот со прекрасен гол од слободен удар.
