Адеми: Ова не е збогум, ќе се вратам во Динамо за да освоиме европски трофеј (ФОТО)

Македонскиот репрезентативец Аријан Адеми вечерва го одигра последниот натпревар за Динамо Загреб. Тој цели 13 години го носеше дресот на „модрите“, стана рекордер по освоени трофеи и европски настапи, а кариерата ќе ја продолжи во Пекинг Гуан.

Капитенот на македонскиот национален тим Стефан Ристовски го испрати со гол за победа против Ријека, а тој заврши на рацете на своите соиграчи.

„Мислев дека нема да дојде овој ден и дека тука ќе ја завршам кариерата. Ова беа моите најубави 13 години од животот. Ваква трема не сум имал во последните десет години. Сепак, среќен сум и горд на сѐ што постигнавме. Ова не е збогум, само довидување, затоа што не сум завршил со Динамо. Ќе се вратам да ја завршам работата и да земам европски трофеј со овој клуб“, изјави Адеми.