Дарко Чурлинов се враќа во Шалке?

Македонскиот репрезентативец Дарко Чурлинов би можел многу брзо да ја напушти Англија и да се врати во Германија. Како што откриваат медиумите на Островот, но и во Германија, Чурлинов е во преговори со Шалке за враќање во Гелзенкирхен во летниот преоден рок.

Крилниот напаѓач имаше одлични игри во дресот на Шалке 04, беше еден од лидерите во тимот, а потоа доби повик од Винсен Компани да го засили Барнли. Овој тим е лидер во Чемпионшип и многу веројатно ќе се врати во Премиер – лигата, но Чурлинов не добива голема минутажа и сето ова ги засилува шпекулациите за негово враќање во Германија, и тоа во тимот на Шалке 04.

Од друга страна, Шалке грчевито се бори за опстанок во Бундес-лигата оваа сезона.