Македонскиот второлигаш Пелистер испрати реакција во која бара од ФФМ, односно Дисциплинската комисија, во најбрз можен рок да се донесе одлука за постапката против лидерот Гостивар и фудбалерот Гордијан Христовски.
Сето ова поради регуларност за понатамошниот тек од првенството во Втората лига.
„ФК Пелистер апелира што е можно побрзо да се донесе одлука за дисциплинската постапка врз ФК Гостивар за „случајот Христовски“, во интерес на регуларноста на натпреварувањето. Апострофираме да се почитува рокот од осум дена кој е наложен како период во кој треба да се донесе одлука за спорната регистрација на фудбалерот“, се вели во соопштението на ФК Пелистер.
