Поранешниот тренер на Вардар, Брегалница и на Македонија ЃП, како и екс-претседател на ФФМ, Илчо Ѓорѓиоски, почнува интернационална кариера. Тој ќе биде нов тренер на грчкиот второлигаш Каламата, а прв соработник ќе му биде Владимир Димитровски, поранешниот репрезентативец и играч на Вардар и на Работнички, кој сега живее во Грција, а неодамна ја заврши кариерата.
Каламата е член на Втората лига југ во Грција и во моментот се наоѓа на седмата позиција со пет победи, четири ремија и три порази.
Илчо Ѓорѓиоски оваа сезона ја почна како тренер на Брегалница, но потоа дојде до разделба со раководството на штипскиот клуб.
