Лео Меси можеби и нема да го продолжи договорот со Пари Сен Жермен.
Познатиот шпански новинар Жерар Ромеро објави дека има промена во плановите на Аргентинецот и тој повеќе нема желба да го продолжи договорот со Пари Сен Жермен.
Светскиот шампион е врзан со Французите до крајот на сезоната, со опција за уште 12 месеци во договорот. И додека веќе неколку недели се мислеше дека Меси ќе ја искористи можноста да го продолжи престојот во Париз, Ромеро сега тврди дека нема да се случи.
Сето ова се поклопи со веста дека раководството на Барселона се собрало на итен состанок. Сепак, не е јасно дали двата настани се поврзани.
