Најтиражниот италијански спортски весник „Газета дело спорт“ не пропушти да го одбележи најголемиот успех во историјата на македонскиот фудбал и пласманот на Европското првенство. Капитенот Горан Пандев гледа кон небото, а Елиф Елмас му приоѓа во прегратка.
Македонските „италијанци“ се во фокусот и на „чизмата“ затоа што направија неверојатен успех. За првпат Македонија ќе биде учесник на најголемиот самит на фудбалските селекции од Стариот континент.
За Македонија пишуваат во суперлативи сите, „Би-Би-Си“, „Ас“, „Марка“, медиумите од регионот на поранешна Југославија. Македонија е сензацијата на Европа.
