Бразил на убедлив начин се пласира во четвртфиналето на Светското првенство во Катар и закажа дуел со Хрватска откако вечерва ја совлада селекцијата на Јужна Кореја со 4-1. Селекцијата на Тите имаше фуриозно прво полувреме, постигна четири гола и го реши победникот.
Винисиус Жуниор уште во седмата минута донесе предност за Бразил, а Нејмар ја одвои во 13.минута од дуелот.
Третиот гол беше прекрасна акција која на крајот ја реализираше Ришарлисон во 29.минута, а Лукас Пакета беше стрелец на четвртиот гол во 36.минута.
Јужнокорејците успеаја да постигнат почесен гол преку Паик Сонг – Хо во 76.минута. Тој упати силен удар од далечина и го совлада Алисон Бекер.
