Филипе Кутињо нема да биде дел од составот на Бразил за Светското првенство кое започнува за 25 дена, тврди каталонскиот „Спорт“. Селекторот Тите веќе одлучил да не се потпира на играчот од средниот ред на Астон Вила.
Поранешниот играч на Ливерпул, Барселона и на Баерн Минхен од почетокот на сезоната е во лоша форма и нема постигнато гол или асистенција на 12 натпревари.
Кутињо пред четири години беше избран во „идеалниот тим“ на Светското првенство во Русија каде постигна два гола. Последен пат за Бразил играше во јуни на тест против Јужна Кореја.
Наместо него, Тите најверојатно ќе испрати повик до Евертон Рибеиро од Фламенго.
Во Катар „кариоките“ се во група со Србија, Швајцарија и со Камерун.
