Кире Ристевски го раскина договорот со АЕЛ Лимасол

Македонскиот фудбалски репрезентативец Кире Ристевски заминува од кипарскиот прволигаш АЕл Лимасол. Како што објави клубот, двете страни спогодбено ја раскинале соработката.

„АЕЛ Лимасол ја информира јавноста дека соработката со фудбалерот Кире Ристевски е раскината со заедничка согласност. На фудбалерот му посакуваме се најдобро на професионален и личен план“, се вели во клупското соопштение.

Ристевски дојде на Кипар минатото лето од унгарскиот клуб Ујпешт.