Македонскиот репрезентативец Стефан Спировски кариерата ќе ја продолжи во ерменскиот прволигаш Пјуник. Тој ќе му се придружи на Марјан Радески кој исто така ова лето се пресели во клубот од Ерменија.
Фудбалерот од средниот ред ќе стави потпис на едногодишна соработка.
Последен клуб на Спировски беше МТК кој испадна од елитата на Унгарија, а претходно настапуваше за Мариупол, АЕК Ларнака, Хапоел Тел Авив и за Ференцварош. Од македонските клубови, Спировски ги носеше дресовите на Вардар, Работнички и на Пелистер.
