Грчкиот гигант Олимпијакос ќе се обиде да го доведе македонскиот репрезентативец Енис Барди. По испаѓањето на Леванте во Сегунда дивизион, се отвора можност за негово заминување од клубот, но досега најконкретната понуда за Барди дојде од МЛС – лигата на САД. Сепак, Барди смета дека треба да остане во Европа, а размислува за заминување во Грција.
Сепак, тој ќе треба да се сложи на значително намалување на платата. Олимпијакос, според информациите, на Енис Барди му нуди годишна плата од 700.000 евра, двојно помалку од неговата сегашна плата во Леванте.
Шпанскиот клуб би добил 3 милиони евра отштета, но и можни бонуси во износ од дополнителни 1,5 милиони евра.
