Тричковски и АЕК Ларнака на пенали елиминирани од Митјиланд

Кипарскиот претставник АЕК Ларнака е елиминиран од настапите во квалификациите за Лигата на шампионите. Тимот на Иван Тричковски на пенали загуби од Митјиланд (3-4) откако регуларниот тек од мечот, а и по продолженија, заврши 1-1. Истиот резултат беше и на првиот натпревар во Данска.

Тричковски ги одигра 90-те минути, но беше повлечен од игра за продолженијата и не изведуваше пенал. Неговите соиграчи не успеаја во пенал – рулетот и Митјиланд е тимот кој оди понатаму.