Шпанскиот интернационалец Серхио Рамос би сакал да биде дел од репрезентацијата на Шпанија на Светското првенство во Катар. Тој поголем дел од сезоната ја пропушти поради повреди, но сега се врати во тимот на ПСЖ и посакува да биде дел од „црвената фурија“ на мундијалот.
„Имам големи чувства за Шпанија. Можам да им помогнам на патот до светската титула. Тоа чувство е уникатно“, истакна Рамос.
Рамос летово дојде во ПСЖ по неколкумесечна сага и истекување на договорот со Реал Мадрид, но повредите го спречија да ја оправда својата репутација на еден од најдобрите стопери во историјата на фудбалот.
