Лајпциг за едно полувреме го суреди Хофенхајм (ВИДЕО)

Лајпциг беше убедлив против Хофенхајм, славеше со 3-0, а сите дилеми ги разреши во првото полувреме. Со овој триумф се врати на четвртото место на табелата со 51 бод, на позиција која води во Лигата на шампионите следната сезона.

Кристофер Нкунку по само пет минути го откри резултатот, а Марсел Халстенберг зголеми на 2-0 веќе во 20.минута. До крајот на првиот дел погоди и Доминик Шобошлаи и беше јасно дека трите бода се наменети за Лајпциг.