Фиорентина го освои Неапол совладувајќи го Наполи со 2-3. „Виолевиоте“ со ова најверојатно го урнаа сонот на Елиф Елмас и соиграчите за освојување на титула во Серија А оваа сезона.
Нико Гонзалес во 29.минута донесе водство за гостите, а Дрис Мертенс израмни во 58.минута. Но, кога Наполи тргна по три бода следуваше контраудар. Џонатан Иконе во 66.минута погоди за 1-2, а Артус Кабрал постигна трет гол за Фиорентина. До крајот, Осимен намали, но Наполи немаше сили за да стигне до реми.
Сасуоло ја совлада Аталанта со 2-1, а Удинезе ја победи Венеција на гости со 1-2.
