Фудбалерите на Манчестер Јунајтед ја продолжија лошата сезона со пораз на гостувањето кај Евертон, а ситуацијата во клубот ја коментираше и голманот Давид де Хеа.
„Да бидам искрен, ова е срамно од наша страна. Треба да победуваме на вакви натпревари. Не постигнуваме голови и не влегуваме во шанси да ги постигнеме. Не сме доволно добри. Тоа е сигурно. Ќе биде многу тешко да се заврши меѓу првите четири екипи“, изјави Шпанецот на голот на Јунајтед.
Манчестер Јунајтед со тоа останува седмопласиран со 51 бод од 31 натпревар, а Тотенхем кој е на четвртото место кое води во Лигата на шампионите, има 6 бода повеќе.
