Младите фудбалери подготвуваат победничка стратегија за дуелот со Фарски Острови

Младата фудбалска репрезентација на Македонија до 21 година го продолжува квалификацискиот пат за пласман на Европското првенство 2023 година во Романија и Грузија. Нашите млади фудбалери комплетно се насочени кон дуелот против Фарски Острови, во рамките на 8. коло од групата Х од квалификациите.

Дуелот против незгодната селекција на Фарски Острови е закажан за утре (18 часот) на националната арена „Тодор Проески”, а Канатларовски и младите фудбалери ја подготвуваат победничката стратегија.

Пред четири дена Македонија беше поразена од Србија на стадионот на ФК Вождовац во Белград со 2-1.

Во досегашните седум кола од тековните квалификации Македонија има освоено шест бода.