МАКФУДБАЛ во Палермо,
Селекторот Благоја Милевски вели дека играчите ги заслужуваат сите почести за вечерашниот успех. Вели ги победивме Италијанците на нивни начин.
„Ги победивме Италијанците на италијански начин, со гол постигнат по само два удари од целиот натпревар. Пресреќен сум за оваа победа, горд сум на моите момци.Им реков на момците да уживаат и ме послушаа. Секоја чест за нив, но и за Италија која беше одличен ривал. Сега одиме на Португалија, вечерва ќе славиме, но потоа ќе се подготвиме силно. Тоа е последната пречка пред СП“ – рече Милевски по натпреварот.
