Ван Гал позитивен на коронавирус

Селекторот на холандската репрезентација Луј ван Гал е позитивен на коронавирус, соопштија од прес-службата на федерацијата. 70-годишниот стратег следните денови ќе ги помине во изолација и нема да ги предводи „лалињата“.

Репрезентацијата на Холандија на 26 март ќе одигра пријателски натпревар против Данска, а на 29 март ќе се сретне со Германија. Холанѓаните обезбедија директен билет за Светското првенство во Катар, освојувајќи го првото место во квалификациската група Г.