Францускиот играч за врска Матео Гендузи летово беше позајмен во Марсеј од Арсенал, а сега дефинитивно стана член на клубот од „Велодром“. Во клаузулата од договорот за заем е наведена точката според која Гендузи станува фудбалер на Олимпик Марсеј, кога ќе забележи 38 настапи за оваа екипа.
Тој услов е исполнет и францускиот играч за врска сега е фудбалер на Марсеј, со кој веќе потпиша до летото 2025 година.
Гендузи пристигна во Арсенал од Лориен во 2018 година како голема надеж. „Топџиите“ за него платија 8 милиони евра, но тој не ги исполни очекувањата на „Емирати“.
