Расплетот на квалификациската група К за Светското првенство се случи во претпоследното коло. Англија ja пречека Србија на „Вембли“ и славеше со 2-0, додека истовремено Албанија гостуваше кај Андора и победи со 0-1.
Со тоа, Србија практично остана без шанси за пласман на Светското првенство следната година.
По поразот на „Вембли“, капитенот на Србија, Филип Костиќ, истакна дека неговата селекција трката за Мундијалот со поразот од Албанија во Лесковац.
„Поразот од Албанија е еден од најтешките во мојата кариера. Мислам дека сосема поинаку ќе беше ако од самиот почеток имавме селектор и работа како што имавме последните неколку дена. Ако беше така, сигурно ќе ја завршевме групата како второпласирани“, изјави Костиќ.
Со овие зборови тој го критикуваше поранешниот селектор Драган Стојковиќ Пикси, кој мораше да замине по поразот од Албанија. На негово место дојде Вељко Пауновиќ.
