Шкупи забележа само два порази оваа сезона, а едниот од нив во Ѓорче Петров (2-1) од Македонија ЃП. Лидерот на табелата денеска (13 часот) повторно оди во Ѓорче со цел да избори пласман во полуфиналето на Купот. Но, „лавовите“ сакаат реприза од првенството.
Левиот бек Блертон Шеји верува дека тимот од Чаир сепак ќе излезе како победник во денешниот четвртфинален дуел.
„За нас е важен натпревар, бидејќи целиме да победиме на двата фронта, и во Купот и во првенството. По незаслужениот пораз што ја доживеавме во лигата во последните минути од натпреварот против Македонија Ѓ.П, овојпат ќе излеземе на терен да се реваншираме и да се пласираме во полуфиналето“, изјави Шеји, пред денешната пресметка со Македонија Ѓ.П.
На останати три натпревари од четвртфиналето на Купот на Македонија, се среќаваат: Шкендија – Струга Трим Лум, Силекс – Брегалница, Пелистер – Вардар (13 часот).
