Академија Пандев ја оствари петтата победа во последните шест натпревари и со триумфот (1-2) над Ренова во Тетово се доближи само на еден бод до лидерот Шкупи. Тимот на Александар Васоски сега има 31 бод и се одвои на врвот заедно со првопласираниот Шкупи.
Повторно во главна улога беше Мартин Мирчевски. Тој беше асистент на првиот гол за Академија Пандев откако од слободен удар одлично нафрли во срцето на шеснаесетникот, а Осман Маронг со удар со глава ја затресе мрежата на Ренова во 42.минута од мечот.
Во 77.минута, Мирчевски и самиот успеа да го надмудри Хадис Велии и го потврди триумфот на Академија Пандев.
До крајот Ремзифаик Селмани само постигна почесен гол за Ренова во 90.минута од дуелот.
