Италијанскиот калчолигаш Милан и официјално го продолжи договорот со тренерот Стефано Пиоли. Тој стави потпис за нова соработка која треба да трае до 2023 година, со опција и за понатамошно продолжување.
Пиоли успеа да создаде фантастична атмосфера, ги намести коцките во мозаикот и го врати Милан во самиот врв на италијанскиот фудбал, како и во Лигата на шампионите.
Според новиот договор, Стефано Пиоли на клупата на Милан ќе заработува 3,5 милиони евра по сезона, плус дополнителни бонуси врзани за успесите на тимот.
