Фудбалерите на Пари Сен Жермен денеска пристигнуваат во Манчестер на дуел со Сити, но фокусот е на Маурисио Покетино и градскиот ривал – Јунајтед.
Со доаѓањето на Покетинo во Јунајтед денеска се занимаваат англиските медиуми кои истакнуваат дека Аргентинецот е подготвен веднаш да се пресели на „Театарот на соништата“ и дека дал сигнал управата да тргне во офанзива.
Ништо не го спречува Манчестер Јунајтед сега да го направи тоа, клаузулата за негово итно доаѓање од Париз е 10 милиони фунти, што не е ништо ако се земе предвид дека тимот „гори“ и дека е неопходен нов тренер што поскоро. И големиот Алекс Фергусон даде големо „да“ за неговото доаѓање, па Покетино ги има сите позитивни гласови во клубот.
Покетино во Пари Сен Жермен е во лоши односи со директорот Леонардо, а не му се допаѓа што медиумите постојано го „менуваат“ и покрај тоа што е убедлив лидер во Лига 1, го победи Манчестер Сити дома и е на чекор од пласман во осминафиналето во Лигата на шампионите. Покетино сака стабилност во клубот и тимот, а ниту еден тренер во Париз го немаше тоа во последните години.
Аргентинецот исто така сака да оди во Англија, бидејќи неговото семејство се уште живее во Лондон, додека тој е во Париз речиси една година.
И ПСЖ е подготвен да реагира, катарското семејство веќе стапило во контакт со претставниците на Зинедин Зидан.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski