Францускиот стратег Зинедин Зидан е најсериозниот кандидат за нов менаџер на англискиот премиерлигаш Манчестер Јунајтед. Тој би се обединил повторно со Кристијано Роналдо, а би го имал на располагање и Пол Погба, кој му остана неостварена желба додека беше тренер на Реал Мадрид.
Зидан освои три европски круни со „кралевите“, а во моментот е без ангажман. Тој подолг период се споменуваше како можен наследник на Солскјер. Од синоќа менаџерската позиција во Манчестер Јунајтед е слободна и раководството на клубот ќе отпочне конкретни преговори за ангажман на Французинот.
Најголемата дилема за Зидан е тоа што не го познава доволно добро англискиот јазик, а и неговата сопруга многу повеќе го сака животот во Мадрид. Сепак, се очекува тој сериозно да ја разгледа понудата на „црвените ѓаволи“.
Втора опција за клупата на Манчестер Јунајтед е Брендан Роџерс, актуелниот менаџер на Лестер.
