Ливерпул стигна до седмата победа во Премиер – лигата оваа сезона откако во дербито на колото на „Енфилд Роуд“ го совлада Арсенал со 4-0. Тимот на Јирген Клоп доминираше, посебно во вториот дел кога и комплетно го надигра ривалот.
Во првиот дел имаше и жестока пресметка меѓу менаџерите Јирген Клоп и Микел Артета, а се чини дека четвртиот судија спречи и физички судир.
Садио Мане во 39.минута со удар со глава го совлада Арон Рамздејл, а во вториот дел следеа и головите на Диого Жота, Мохамед Салах и на Такуми Минамино.
Ливерпул повторно е на четири бода негатива до лидерот Челси.
