Италијанскиот првак Интер сака да го засили нападот во зимскиот преоден рок. Тренерот Симоне Инзаги смета дека треба да има најмалку уште една опција покрај Џеко и Кореа, со оглед дека Алексис Санчез делува тотално немотивирано.
Во моментов се разгледуваат две опции, Андреа Белоти и Лука Јовиќ.
Италијанскиот репрезентативец нема да потпише нов договор со „биковите“ и Торино би можел да го продаде во јануари. Интер е подготвен да преговара за него.
Втората опција е Лука Јовиќ. Тој би дошол на позајмица од Реал Мадрид со право на откуп на крајот од сезоната.
Тимот ќе мора да се засили поради настапите во Европа, Интер е во добра позиција да се најде во осминафиналето на Лигата на шампионите. Покрај тоа, клубот не се откажува и од трката за титулата иако Наполи и Милан моментно имаат предност на табелата.
