Фудбалерот од средниот ред на Рома, Хенрик Мхитарјан, е незадоволен од својата ситуација во клубот, пишува „Кориере дело Спорт“. Според италијанскиот медиум, на 32-годишниот Ерменец не му се допаѓа неговата улога и задачите на теренот поради што ретко учествува во нападите на тимот.
Мхитарјан игра за Рома од септември 2019 година. Фудбалерот во сезоната 2021/22 одигра 15 натпревари на сите турнири досега, постигнувајќи два гола и три асистенции. Тој смета дека треба да добие многу поофанзивна улога од тренерот Жозе Мурињо. Сепак, португалскиот стратег важи за тренер кој многу повеќе посветува внимание на дефанзивните задачи на своите фудбалери.
Можно е Мхитарјан да побара и да си замине од „Олимпико“ во зимскиот преоден рок.
