Статуата на Диего Марадона во природна големина ќе биде откриена на 28 ноември на стадионот во Неапол. Споменикот ќе биде претставен пред дербито во Серија А кое Наполи го игра против Лацио.
Споменикот е донација од пријателот на Марадона, Стефано Цечи, а направен е со техника на 3Д печатење.
Неколку дена по неговата смрт во ноември минатата година, стадионот на кој игра Наполи го смени името, од Сан Паоло во Диего Армандо Марадона.
Марадона играше за Наполи од 1984 до 1991 година и на клубот му донесе две шампионски титули на Италија, еден Куп на Италија и трофеј во Купот на УЕФА.
