Бразил и Аргентина продолжуваат со победи во квалификациите за СП 2022. Лионел Меси конечно го прослави трофејот од Копа Америка со аргентинските навивачи, не можеше да ги задржи ниту солзите, а потоа постигна хет – трик на мечот (3-0) против Боливија. Тој го надмина и легендарниот Пеле според бројот на голови во националниот дрес и сега со 79 погодоци е најдобриот стрелец во историјата на јужноамериканскиот фудбал.
Бразил со 2-0 го совлада Перу со головите на Евертон Рибеиро и на Нејмар. Тоа е осма победа за „кариоките“ во исто толку натпревари во квалификациите. Победи забележаа Парагвај, Уругвај и Колумбија која го победи Чиле со 3-1.
