Селекторот на Романија, Марин Радои, може барем малку да воздивне откако тројца фудбалери се вратија на неговиот список за утрешниот натпревар против Македонија во Скопје. Разван Марин, Александру Чичалдау и Драгуш Неделку добија негативни тестови на Ковид-19 откако мораа дополнително да се тестираат затоа што беа во близок контакт со Јанис Хаџи. Офанзивецот на Глазгов Ренџерс е „позитивен“ и тој дефинитивно нема да може да настапи.
Селекторот Радои на вечерашниот официјален тренинг имаше на располагање само 17 фудбалери, но сега Марин, Чичалдау и Неделку се враќаат во комбинација. Најпознат од нив е Разван Марин кој речиси сигурно ќе се најде во стартниот состав на Романците.
