Белгија ја совлада Риусија со 3-0 и покажа дека е еден од фаворитите за највисок пласман на Европското првенство. „Црвените ѓаволи“ беа доминантни и дојдоа до првиот триумф во групата Б иако всушност играа како гости во Санкт Петербург.
Ромелу Лукаку потврди дека ќе биде еден од главните претенденти за прв стрелец на турнирот и постигна два гола. Робусниот напаѓач го отвори резултатот во десеттата минута и голот му го посвети на соиграчот од Интер, Кристијан Ериксен, кој претходно доживеа драматични моменти и колабираше на теренот на мечот со Финска.
Вториот гол за Белгија беше дело на Томас Муние во 34.минута, а во финишот Лукаку уште еднаш ја затресе мрежата на Русите.
