Тренерот на Лацио, Симоне Инзаги, ќе потпише нов тригодишен договор со клубот. Иако по заминувањето на Антонио Конте бил контактиран и од раководството на Интер, сепак, Инзаги одлучил да остане на „Олимпико“ во Рим и да продолжи да ги предводи „лацијалите“.
Клаудио Лотито успеал да го убеди Симоне Инзаги да остане на кормилото на Лацио и во наредните три сезони. Тој ќе зработува 2,2 милиони евра по сезона, плус дополнителни бонуси во зависност од успесите на тимот. Пласман во Лигата на шампионите ќе биде дополнително награден.
