Холандскиот репрезентативец Џорџинио Вајналдум ќе биде нов фудбалер на Барселона. Тој ги договори условите со раководството на каталонскиот тим и ќе потпише договор до јуни 2024 година. Вајналдум доаѓа како слободен агент од редовите на англискиот премиерлигаш Ливерпул.
Вајналдум имаше опција да се пресели и во Баерн Минхен, но на состанокот со претседателот Хоан Лапорта истакнал дека негова најголема желба е да настапува во дресот на Барселона на „Камп Ноу“. Тој е второто засилување за Барселона ова лето откако каталонскиот гигант ги договори условите и со Серхио Агуеро, досегашниот напаѓач на Манчестер Сити.
