Модриќ потпиша нов договор со Реал Мадрид до 2022 година

Хрватскиот интернационалец Лука Модриќ останува на „Сантијаго Бернабеу“ и следната сезона. Тој и официјално стави потпис за продолжување на соработката и ќе биде дел од „кралскиот тим“ и наредната натпреварувачка година.

Модриќ (35) и изминатата сезона во која Реал Мадрид остана без трофеј беше еден од најдобрите поединци во составот на Зинедин Зидан заедно со Карим Бензема и со Тони Крос.

Хрватот сакаше да ги разреши дилемите околу клупската кариера пред да се приклучи на подготовките на националниот тим за настап на Европското првенство.